+

工作時工作,遊戲時遊戲!!

That's all...

!

人與人相處..可以話係世界上最複雜既一個課題..

又一次被難到了!

?

最近心情時好時壞..唔知點解..覺得有一份空虛的感覺..好似生活上冇乜開心事發生..

有時放假..想留在屋企休息下..又覺得好浪費時間..想出街玩..又唔知玩乜野好..點解會咁? 會唔會係因為返左而家份工..成日都係平日放假既關係? 真係搞唔清...

好多時候..連自己想點..自己都唔知..好似自己都未能夠完全了解自己..更加唔好講話要諗辦法令自己開心...

有朋友話..開心唔係睇你得到幾多..係睇你既慾望有幾少..我贊同..其實換句話說,姐係"知足常樂"..

咁我而家唔係咁快樂..係唔係代表我唔知足呢?

泰國4日3夜 (PART TWO)

28/6 (第三日)

第三日一起身..當然都係去左游水同曬太陽啦...

不過曬左一陣..就馬上起程去翟度翟市場(Chatuchak Weekend Market)..因為我地打算用成日去掃貨..去到我地第一時間就係去詢問處..拎返本地圖睇下先..

之後我地就兵分兩路..聲哥同Kathy一隊,我同Steven一隊..馬上開始掃貨行動...我地去左睇二手衫,軍事用品,食物..之後又去左睇家居裝飾品..總之乜都唔放過...由下午一點...一行就去到5點幾..中間當然唔少地邊買邊食啦...

到左5點幾,我地夠鐘集合...一齊去食泰式粉仔...

(雖然係細細碗..食既地方仲要唔多乾淨..不過比香港30幾蚊一碗既仲要好食..食得更得開心..)

(留唔留意到..4個人食左幾多碗?...最後總共食左11碗先走人)

買完野..返酒店回一回氣先..休息期間..我就落左樓下網吧上網..嘩..泰文既Keyboard呀!!

阿Kathy同阿聲就走左去畫紋身(唔係紋,係畫..2個星期貨仔0個D)...

之後我地就去左一間酒店附近好靚既餐廳食泰國之旅既最後晚餐..當晚野食豐富..環境又正..大家都叫左啤酒啤一啤..好好去享受..

(去到餐廳,Kathy馬上要show一show佢既紋身同早上購入既戰利品--班馬熊仔袋同連身衫)

(啤酒加美食..正!)

食完..就去左紅燈區睇睇..不過冇乜特別收穫..點知!! 好戲在後頭..返到酒店門口..居然見到小象仔..仲可以同佢影相..我地當然唔會放過咁好既機會啦..

影完象仔..大家返酒店訓覺...ZzzZzzzZzzz

TO BE CONTINUED...

泰國4日3夜 (Part One)

自由行完泰國都已經2個星期了..今日先得閒寫返一個簡短的遊記..今次一行4人(阿聲,Cathy,Steven同我)..玩得都好開心..今次主要係去relax同享受..所以行程唔會好趕..

26/6 (第一日)

我地一早坐香港時間早上10點幾機飛去曼谷...大約當地時間下午1點就到..之後就坐的士去Khao San,搵左一間新的酒店Settle down,上一次去泰國都係住Khao San..不過今次既酒店就靚好多..雖然冇上一次咁平..不過都只係大約200HKD一晚..算係咁啦..Khao San係一個backpackers既天堂..有少少似香港的老蘭..好多外國人..好多網吧,pubs同discos..

(Khao San見到M叔叔..同香港0個一個唔一樣..緊係快d同佢影返張相啦)

Settle down之後,我地去食d泰式粉仔...醫醫肚..

之後我地就去市中心行一陣..去左食少少野..跟旅遊書講去左一間專食芒果既甜品店...d野幾好食..估唔到用芒果都做出好多唔同的甜品..

食飽左就在Paragon,Siam Discovery同Siam Center行左一陣..多數既店舖都係賣d high-class野..所以冇收穫..行到7點幾就去食buffet了..今次既晚餐食返上次食過既日本放題Oishi Grand...其實之前食過..覺得ok,又唔算太貴(大約200HKD)..所以今次再來..又食多一次...

食到10點..大家都已經好飽..加上第一日去到..其實都幾累..決定返酒店休息一下..再plan下第2日點玩..返到Khao San酒店門口都停低影返幾張相既..話曬條街都咁出名..

(學人下影下腳仔先)

27/6 (第二日)

一早起身..女仕未起身...男仕們已經有活動..就係去健身...我地既酒店咁平..就冇健身室既..所以我地就去之前行過離酒店唔遠既一間健身室..雖然好簡陋..不過都叫做可以操下既..過下癮囉..

健完身...大隻曬..緊要返酒店游水曬太陽啦...show下d肌肉呀嘛...

酒店泳池就在酒店的頂樓..唔大..不過曬下太陽都仲叫ok既..

游完水..又係食野既時候..差唔多一點..想去食dd野先去做spa..所以就是旦食d kabab就算數...

食完之後..就坐taxi飛去做spa..好舒服..好relax..都只係1800baht...我今次做左推油,草藥熱包按摩...一身鬆曬...

做完之後,跟個spa既店員推介..去左食一間地道的泰國菜...其實食既野都係大家諗到既餸..不過泰國食..當然係正宗好多啦...

食完就去行chit lom既大商場..講真...只係打算去見識下..買野就唔好啦...價錢分分鐘貴過香港..

(商場內的合照)

行完商場,就轉去行超市...一間叫Big C既大超市..乜都有得買..連衫褲,電器都有..

(超市內賣凍肉的地方)

(七彩色的都係米)

買完野..一手都係戰利品..我地決定返酒店放低曬..再出發去China Town食好野...

去到China Town..第一時間搵返上次既餐廳..食返上次既平價魚翅同燕窩...今次我地仲叫左生蠔..大蝦同蟹...真係好滿足..好好食..食到個個都飽飽都只不過係位位200HKD..平到傻..

(老闆娘教的食法)

最後我地決定同China Town影返幾張相先走人..

第二日既行程去到食完晚飯都尾聲了...時間都已經差唔多1點...我地決定返酒店訓覺..第3日再繼續..

TO BE CONTINUED...